نور الصباح

شعاع من الامل وبصيص نور نحو المستقبل فكن دوما معنا
 
الرئيسيةالبوابةالتسجيلدخول

شاطر | 
 

 هيفاء وهبي وغيرها.. سبب طلاقي!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
غاليه
عضو مميز
عضو مميز
avatar

عدد الرسائل : 139
تاريخ التسجيل : 17/05/2008

مُساهمةموضوع: هيفاء وهبي وغيرها.. سبب طلاقي!   الخميس يونيو 26, 2008 9:52 am


هيفاء وهبي وغيرها.. سبب طلاقي!
دراسة تؤكد: 70 ألف مطلقة في مصر بسبب هيفاء
وهبي ونانسي عجرم وأليسا وروبي!
محمود صلاح
المكالمة كلها كانت مبللة بالدموع!
قارئة لا أعرفها ولا أعرف من تكون، لكنها بالتأكيد تركتني في دهشة وحسرة وألم علي حال رجال اليوم وأيضا علي نساء اليوم المقهورات!
إيه الحكاية؟ الست القارئة * واضح من صوتها أنها ليست كبيرة في السن * بدأت مكالمتها بالبكاء خمس دقائق وأنا أحاول تهدئتها قدر امكاني، وأخيرا تكلمت:





أسفة جدا يا أستاذ.. اعذرني.. أنا حالتي تصعب علي الكافر. الدنيا كلها بقت سودا في عيوني، من ست بيت وأم عايشة في حالها، وبتعمل كل جهدها عشان تسعد جوزها وتربي أولادها الثلاثة الصغار. أتحول بين يوم وليلة لمطلقة. مالهاش دخل ولا مستقبل!



* لا حول ولا قوة إلا بالله.. إيه اللي حصل يا هانم!



هانم إيه وزفت إيه.. بأقولك أنا ست بيت عادية. لكن عمري ما اتصورت ان نهايتي حاتكون بالطلاق وعلي ايد مين. مش حاتتصور.. علي إيد الست هيفاء وهبي!
* يا نهار أسود.. إنت جوزك علي علاقة بهيفاء وهبي؟



علاقة جامدة أوي يا أستاذ!
* مين جوزك؟،، شخصية مشهورة؟


ابدا ولا مشهور ولا حاجة.. ده رجل عادي وأقل من عادي. لكن منه لله أبوعين 'طفسة' يطلقني عشان هيفاء وهبي؟
* الله.. وهو شافها فين؟





في البيت يا أستاذ!
* هيفاء وهبي؟.. كانت بتيجي لجوزك في البيت؟





تيجي؟ دي كانت قاعدة معانا طول النهار!
* في بيتكم؟





ايوه.. في التليفزيون.. كل شوية تطلع بجسمها ده.. وشعرها ده.. وعيونها دي.. والمنيل جوزي يسيب كل حاجة ويقعد متسمر قدام التليفزيون زي المسحور، انده عليه ولا هو هنا. أكلمه مش سامع، الدنيا تضرب تقلب، ولا علي باله، عينيه علي هيفاء وهي بتدلع بهدومها القصيرة وتغني 'بوس الواوا' وهو عمال يتنهد من قلبه ويرتعش زي العيال.
* آه.. طيب ليه كلميتهوش في الموضوع ده؟



انهي موضوع.. هو يعني من يوم ما شافها بيسمعني وإلا أصلا طايقني. باقولك يا أستاذ أكلت عقله، وخلاص ما بقاش في حياته غير الست هيفاء. رايح جاي بين محطات التليفزيون يقلب ويدور عليها في كل محطة.. والمتعوس اللي عمره ما قرأ جورنال. بقي بيجيب المجلات الفنية اللي فيها صورها. الرجل اتجنن ومخه ضرب.. وفي الاول كان بيطلب مني اعمل ماكياج زيها. طيب ازاي وأنا سمره؟ وبعدين عايزين أمشي في البيت نفس مشيتها. يعني عايزني اترقص وأنا رايحة المطبخ اقشر البصل. وفيه حاجات تانية كان بيطلبها مني بالليل ما أقدرش اقولك عليها.
* ها.. وبعدين؟


ولا قبلين.. النار ولعت في بيتي وفي قلبي، والرجل مابقاش طايقيني، وطبعا أنا بقيت عصبية، أيام وأسابيع، حتي ما بقاش يقرب مني، وكان طبيعي اني انفجر، اتخانقنا، وانفجرنا في وش بعض، صرخت فيه، يا أنا يا هي، صرخ في وقال هي. قلت له طلقني، قال لي انت طالق!

***

بعد المكالمة التي اصابتني كما قلت بالدهشة والحسرة والألم.. ثم الاكتئاب!
قلت لنفسي انها حكاية غريبة لكن ممكن أن تحدث لربة بيت لا تلتفت الي مظهرها، مشغولة طوال النهار بالكنس والمسح والطبخ.
نسيت منذ زمن حكاية الدلع والدلال، وزوج مقهور فهي شغلة، شقيان تعبان ولا متعة في حياته سوي مشاهدة هيفاء وهبي الحلوة، قلت لنفسي الحكاية ممكن تحدث في بيت من البيوت، لكني عندما فتحت الانترنت كانت.. المصيبة؟
ماذا يا سيدي عن المصيبة التي وجدتها علي الانترنت؟
موضوعا غريبا عنوانه: '70 ألف مطلقة مصرية بسبب إليسا وهيفاء وهبي ونانسي عجرم وروبي'!
يا نهار اسود!
أيوه اسود وعتمة كمان.. الموضوع يقول بالحرف الواحد:
فيما يعد جرسا للانذار أكدت دراسة حديثة ان فتيات الفيديو كليب و'موديلز' الاعلانات في الفضائيات تسببن في ارتفاع معدلات الطلاق الي 70 ألف مطلقة في مصر خلال العام الماضي فقط.
وقالت الدراسة ان احباطات الحياة الزوجية تدفع الازواج الي الهروب الي فتيات الفضائيات للبحث عن نوع جديد من المتعة الجنسية في ظل واقع محبط يعيشه الرجل مع زوجته.
وأشارت د.عزة كريم، رئيسة المركز القومي للبحوث الاجتماعية بالقاهرة، في دراستها الي تزايد نسب الطلاق في السعودية والامارات والكويت والاردن وكافة البلاد العربية والسبب هو الهجمة الشرسة لفتيات الفيديو كليب ونجمات الاغراء الفني اللائي يظهرن شبه عاريات ما يهدد الزوجات ويدفع الازواج الي البحث عن أخري.
وتنقل الدراسة عن احدي الزوجات خلافها الدائم مع زوجها بسبب مقارنته الدائمة بينها وبين عاريات الفيديو كليب والاعلانات، ويعترف كثير من الازواج انهم طلقوا زوجاتهم وتزوجوا أكثر من مرة بسبب ما يشاهدونه علي شاشات الفضائيات من مشاهد خليعة في حين تنهمك زوجاتهم في أعمال المنزل وتربية الابناء.
وتناولت الدراسة اعلانات الفيديو كليب والعلاقات الزوجية حيث أفادت ان 90 % من الاعلانات تستخدم فيها جسد المرأة كمثير جنسي لترويج السلع، مقابل 8 % هي نسبة الاهتمام بشخصية المرأة، وأوضحت ان 80 % من الاعلانات يركز علي القيم الاجتماعية السلبية و 89 % علي القيم الاقتصادية السلبية، وهو ما جعل الدكتورة عزة تخلص الي أن الاعلانات تسهم في بث قيم وسلوكيات سلبية لها ايحاءات ومعان جنسية وسيئة.
وأكدت احصاءات حديثة ارتفاع معدلات الطلاق في السعودية من 25 في المائة الي 60 في المائة خلال ال 20 سنة الماضية، في حين وصلت النسب في مصر طبقا لاحصائية جهاز التعبئة والاحصاء الي 70 ألف مطلقة خلال العام 2006 فقط.


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
هيفاء وهبي وغيرها.. سبب طلاقي!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» شاهد قنوات الدش بدون تقطيع
» اكبر فضيحة لستار اكاديمي تظهر الغش في التصويت
» كيف تعالج التعب
» اسباب الكلف وطرق علاجه ...
» ماتت بسبب منتدى محرق الرسمي

صلاحيات هذا المنتدى:لاتستطيع الرد على المواضيع في هذا المنتدى
نور الصباح :: المنتديات الاجتماعيه

 :: الملتقى العام
-
انتقل الى: