نور الصباح

شعاع من الامل وبصيص نور نحو المستقبل فكن دوما معنا
 
الرئيسيةالبوابةالتسجيلدخول

شاطر | 
 

 شويه نصائح للبنات المخطوبه

اذهب الى الأسفل 
كاتب الموضوعرسالة
نور الصباح
المشرف العام
المشرف العام
avatar

عدد الرسائل : 896
تاريخ التسجيل : 17/05/2008

مُساهمةموضوع: شويه نصائح للبنات المخطوبه   الثلاثاء يونيو 10, 2008 12:06 pm

شويه نصائح للبنات المخطوبه

--------------------------------------------------------------------------------



آنستي العزيزة.. لو ربنا فك عقدتك.. واتخطبتي.. فإليك نصائحي
حتى تأخذي بخطيبك من مركب الخطوبة إلىمثوااااه الأخير في قفص النسانيس.. قصدي قفص الزوجيةالسعيد..

أجمل ما في الخطوبة العزومات الرومانسية.. على أحلى محلات أكل
فى البلد.. واللي عمرك مانتي شايفاها بعد الجواز..

المهم نصائحي لك عند أي عزومة مع ختيبك..

1- الأول لازم تعرفي إن الشوكة والسكينة بيتمسكوا من إيديهم من
الطرف يعني مش م الوسط ولا م البوز زي الخنجر ولا من فوق طبعًااا

2- العيش أوعي تفضحينا وتقطعيه بسنانك.. ولا الرغيف نصين بأيدك
وكل نص لقمةوتحشري.. أوعي.. العيش بيتقطع بالسكينة ف الطبق..
وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه....

3- الشوووربة.. أبوس كعب رجلك.. بند الشوربة ده مهم جدًاااا..
الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ ف الحجر للزبون.. وطبعًاااااا عايزك تنسى تمامًا.. السلطانية اللي بتقيميها على بقك ف البيت.. وتدلدقي
على روحك.. بالمعلقه وبدون صوت.. سخنةولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخرنقطة.....

4- الرز طبعاً .. بيتاكل بالشوكة.. أوعي إيدك تتمد عالمعلقة..
وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه..

5- المكرونة.. الاسباكتي.. برضه بالشوكة.. تتلف على طرف
الشوكة.. لحد ما تخلص وبعدين تحطيها ف بؤك من سكات.. مش تشفطي المكرونةعودعود..

6- السمك.. مشكلة.. شوفي.. بتفصلي اللحم عن الشوك.. إزاي..؟؟
تقطعي اللحم من النص.. بالطول وبعدين تفردي اللحم ع الجانبين ولما
تخلص يناحية.. متقلبيش السمكة.. بلاش فلح.. شيلي السلسلة
بالشوكة والسكينة وحطيها فجنب الطبق وكملي أكل النص التاني..
وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك..

7- الجمبري.. -إذا كنتي عارفاه-.. أول ماطبق الجمبري ينزل..
بصيله بقرف واحتقار شديدين.. آل يعني زهقانة من كتر أكل الجمبري
الجامبو ف بيت ببااااا.. وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة.. أنا ف عرضك إنسي المصمصةدلوقت..

8- البطاطس سواء مسلوقة أو محمرة.. أوعي تهرسيها وتدبيها ع الرزوتدي



...لا..لآ...لآ...بالشوكة حتة حتة وإنت زي ما تكوني هاتعيطي من
كتر ما البطاطس صعبانة عليكي..

9- الفاكهة.. لو الفاكهة فيهابذر.. طلعيه من بؤك بالراحة
وحطيه ف إيدك وهي مقفولة.. وبعدين ف طفاية السجايراللي ع الترابيزه..
أوعي ياحبيبتي من نظام التفتفة للبذر.. إنسي....

10- ولما تخلصي أكل تحطي إيدك على بطنك.. -اللي عصافيرها
بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة..

أنا أودامي أسبوع.. هابطل أكل فيه.....

وبعدين تمسكي الفوطة اللي دايمًاموجودة ع التربيزة من غير لازمة..
وتبوسيها.. آل يعني بتمسحي بؤك..
وبعدين تستأذني منه لدخول التوليت لإصلاح ماكياجك.. وتخشي
التواليت
وتطلعي من شنطةإيديك.. لفة الفول
والطعمية اللي جايباها معاكي..
وبالهناوالشفااااااااااااا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://dada.kalamfikalam.com
ابو فراس
عضو لسه نونو
عضو لسه نونو
avatar

عدد الرسائل : 135
تاريخ التسجيل : 17/05/2008

مُساهمةموضوع: رد: شويه نصائح للبنات المخطوبه   الثلاثاء يونيو 10, 2008 9:41 pm

وتطلعي من شنطةإيديك.. لفة الفول
والطعمية اللي جايباها معاكي..
هههههههههههههههههههههههههههههههه
هههههههههههههههههههههههههههههههه
ههههههههههههههههههههههههههههههههه
كدا يا نور هااااااا
عشان كدا صاحبتي كانت تروح لما نخلص أكل التوليت هااا
هههههههههههههههههههههههههههههههههه
ما تاخدوش على كلامها بنات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
شويه نصائح للبنات المخطوبه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
نور الصباح :: الالعاب والفرفشه :: الالعاب والضحك-
انتقل الى: